Flash News

SSLC ഫലം GHS Poikaക്ക് 98.19% വിജയം.6 വിദ്യാര്‍ഥികള്‍ക്ക് എല്ലാ വിഷയത്തിനും A+ മധ്യവേനലവധിക്ക് ശേഷം വിദ്യാലയം ജൂണ്‍ മൂന്നിന് തുറക്കും. ഒന്ന് മുതല്‍ എട്ട് വരെ ക്ലാസുകളുടെ പാഠപുസ്തകവിതരണം നടക്കുന്നു. എല്ലാ ക്ലാസുകളിലേക്കും പ്രവേശനം ആരംഭിച്ചു

School

എല്ലാ ക്ലാസുകളുടെയും പാഠപുസ്തകങ്ങള്‍

CERTIFICATE PREVIEW

1971 ല്‍ സ്ഥാപിതമായ ഈ വിദ്യാലയം എറണാകുളം ജില്ലയില്‍ കോതമംഗലം താലൂക്കിലെ കുട്ടമ്പുഴ പഞ്ചായത്തിലെ വടാട്ടുപാറ എന്ന പ്രദേശത്താണ് സ്ഥിതി ചെയ്യുന്നത്. 1981- ൽ യുപി.സ്കൂളായും 1985 -ൽ ഹൈസ്കൂളായൂം ഉയർത്തപ്പെട്ട ഈ വിദ്യാലയം കോതമംഗലം ടൗണില്‍ നിന്നും 18 കിലോമീറ്റര്‍ ദൂരത്താണ് . അക്കാദമിക രംഗത്തും കലാ-കായിക രംഗത്തും മികച്ച പ്രകടനം കാഴ്ചവെക്കുന്ന ഈ വിദ്യാലയത്തില്‍ പ്രീ പ്രൈമറി മുതല്‍ പത്താം ക്ലാസ് വരെയായി നാനൂറോളം വിദ്യാര്‍ഥികള്‍ പഠിക്കുന്നുണ്ട്

Tuesday, May 7, 2019

SSLC പരീക്ഷയില്‍ പൊയ്‌ക സ്കൂളിന് മികച്ച വിജയം

FULL A+
ADITHYAN BIJU
AMAL CHANDRAN
ARCHANA SHIBU
BINIMOL JOSE
HRUDHYA SHIJU
SANDRA MANOJ
        2019 മാര്‍ച്ചില്‍ നടന്ന എസ് എസ് എല്‍ സി പരീക്ഷയില്‍ ഗവ ഹൈസ്‌കൂള്‍ പൊയ്ക , വടാട്ടുപാറക്ക് മികച്ച വിജയം പരീക്ഷ എഴുതിയ 55 വിദ്യാര്‍ഥികളില്‍ 54 പേരും വിജയിച്ചപ്പോള്‍ ആറ് വിദ്യാര്‍ഥികള്‍ സംപൂര്‍ണ്ണ A+ നേടി.ഇംഗ്ലീഷ് മീഡിയം ഡിവിഷനില്‍ നൂറ് ശതമാനം വിജയവും അഞ്ച് A+ നേടി
      അര്‍ച്ചന ഷിബു, ബിനിമോള്‍ ജോസ്, ഹൃദ്യ ഷിജു, സാന്ദ്ര മനോജ്, ആദിത്യന്‍ ബിജു, അമല്‍ ചന്ദ്രന്‍ എന്നിവരാണ് എല്ലാ വിഷയങ്ങള്‍ക്കും A+ നേടിയവര്‍ .  ദ്രൗപതി ദിനേഷ്, റിസാല്‍ ഹര്‍ഷല്‍ എന്നിവര്‍ 9 വിഷയങ്ങള്‍ക്ക് എ പ്ലസ് നേടിയപ്പോള്‍ കാര്‍ത്തിക റെജി സച്ചു സെല്ലോ എന്നിവര്‍ 8 A+ ന് അര്‍ഹരായി.
    അക്കാദമിക നിലവാരം ഉയര്‍ത്താന്‍ സാധിച്ചു എന്നതിന് തെളിവാണ് D+ ഗ്രേഡുകള്‍ കുറഞ്ഞതിലൂടെ തെളിയുന്നത്. 55 വിദ്യാര്‍ഥികള്‍ക്ക് പത്ത് വിഷയങ്ങള്‍ വീതം ആകെയുള്ള 550 ഗ്രേഡുകളില്‍ 8 ഗ്രേഡുകള്‍ മാത്രമാണ് D+. തോറ്റ കുട്ടിയുടെ 2 D ഗ്രേഡുകള്‍ കൂടി കണക്കാക്കിയാലും ബാക്കിയുള്ള 540 ഗ്രേഡുകളും ഉയര്‍ന്ന ഗ്രേഡുകളാണ് . ഈ മികച്ച വിജയത്തിന് പിന്നില്‍ പ്രവര്‍ത്തിച്ച എല്ലാ വിദ്യാര്‍ഥികള്‍ക്കും അധ്യാപകര്‍ക്കും വിദ്യാഭ്യാസ പ്രവര്‍ത്തനങ്ങള്‍ക്ക് പിന്തുണ നല്‍കി സഹകരിച്ച PTA/MPTA/SMC കമ്മിറ്റികള്‍ക്കും എല്ലാ അഭിനന്ദനങ്ങളും.
9 A+8 A+
DROWPATHY DINESH
RISSAL HARSHAL
KARTHIKA REJI
SACHU SELLO
വിദ്യാര്‍ഥികളുടെ റിസള്‍ട്ടിനായി ഇവിടെ ക്ലിക്ക് ചെയ്യുക
ഗ്രേഡ് എണ്ണം തിരിച്ചുള്ള റിസള്‍ട്ട് ഇവിടെ 
വിഷയം തിരിച്ചുള്ള ഗ്രേഡ് ലിസ്റ്റ് ഇവിടെ

Saturday, May 4, 2019

SPC സ്‌കൂള്‍ തലക്യാമ്പ്


       SPC യുടെ ഭാഗമായി പൊയ്‌ക ഗവ ഹൈസ്‌കൂളിലെ Junior Cadetsനുള്ള സ്‌കൂള്‍ തല ക്യാമ്പ് 2019 മെയ്‌മാസം രണ്ടാം തീയതി മുതല്‍ നാലാം തീയതി വരെ വിദ്യാലയത്തില്‍ വെച്ച് നടന്നു. പി ടി എ പ്രസിഡന്റ് ശ്രീ കെ എം ഹസൈനാരുടെ അധ്യക്ഷതയില്‍ ചേര്‍ന്ന യോഗത്തില്‍ സാഹിത്യകാരനായ ശ്രീ കുമാര്‍ എസ് മടവൂര്‍ ക്യാമ്പ് ഉദ്ഘാടനം ചെയ്‌തു. സ്കൂള്‍ പ്രധാനാധ്യാപകന്‍ ശ്രീ സുജിത്ത് എസ് സ്വാഗതം ആസംസിച്ചു. എസ് പി സിയുടെ ചുമതലയുള്ള അധ്യാപകരായ ശ്രീ അജിത്ത് ഇ കെ , ശ്രീമതി ജിജിമോള്‍ എം ഇ എന്നിവരാണ് ക്യാമ്പിന് നേതൃത്വം നല്‍കുന്നത്. മൂന്ന് ദിവസത്തെ ക്യാമ്പ് വിവിധ വിഷയങ്ങളെ അധികരിച്ചുള്ള ക്ലാസുകള്‍ പരേഡുകള്‍ എന്നിവ കൂടാതെ ഭൂതത്താന്‍കെട്ടിലൂടെയുള്ള ഉല്ലാസയാത്ര എന്നിവയോടെ സമാപിച്ചു.

Sunday, April 28, 2019

SPC ജില്ലാ ക്യാമ്പ്





മൂവാറ്റുപുഴ EBENEZAR HS, VEETTOR വെച്ച് നടന്ന SPC ജില്ലാ ക്യാമ്പില്‍ പൊയ്‌ക ഗവ ഹൈസ്‌കൂളിലെ 13 കേഡറ്റുകള്‍ പങ്കെടുത്തു. മൂന്ന് ദിവസം റസിഡെന്‍ഷ്യല്‍ അടിസ്ഥാനത്തില്‍ നടത്തിയ  ക്യാമ്പ് വിദ്യാര്‍ഥികള്‍ക്ക് ഏറെ പ്രയോജനപ്രദമായിരുന്നു

Tuesday, April 2, 2019

CLEAN VADATTUPARA CAMPAIGN




     പ്ലാസ്റ്റിക്ക് വിമുക്ത വടാട്ടുപാറ ലക്ഷ്യമാക്കി പൊയ്‌ക ഗവ ഹൈസ്കൂള്‍ പൊതു സമൂഹവുമായി കൈകോര്‍ത്ത് നടപ്പിലാക്കാമുദ്ദേശിക്കുന്ന പ്ലാസ്റ്റിക്ക് മാലിന്യ നിര്‍മ്മാര്‍ജ്ജന യജ്ഞത്തിന് തുടക്കം കുറിച്ചു. പ്ലാസ്റ്റിക്ക് മാലിന്യം ശേഖരിക്കുന്നതിന് മുന്നോടിയായി വടാട്ടുപാറയിലെ വീടുകള്‍ സന്ദര്‍ശിച്ച് വിദ്യാര്‍ഥികള്‍ നടത്തുന്ന പ്രചരണത്തിന് ഇന്ന് തുടക്കം കുറിച്ചു. പഞ്ചായ്ത്ത് പ്രസിഡന്റ് ശ്രീമതി സന്ധ്യ ലാലു, ബ്ലോക്ക് പഞ്ചായത്ത് വൈസ്‌ പ്രസിഡന്റ് ശ്രീമതി ശാന്തമ്മ പയസ്, മുന്‍ പഞ്ചായത്ത് പ്രസിഡന്റ് ശ്രീമതി വിജയമ്മ ഗോപി, പഞ്ചായത്തംഗം ശ്രീമതി ലിസി ആന്റണി , ബാങ്ക് പ്രസിഡന്റുമാരായ ശ്രീ ജയിംസ് കോരമ്പയില്‍, ശ്രീമതി ജെസി മത്തായി, ഹെല്‍ത്ത് ഇന്‍സ്‌പെക്ടര്‍ ശ്രീ ഉദയന്‍, പി ടി എ , എം പി ടി എ , എസ് എം സി അംഗങ്ങള്‍ അധ്യാപകര്‍, ആരോഗ്യ വകുപ്പിലെ ജീവനക്കാര്‍, വിദ്യാര്‍ഥികള്‍ എന്നിവര്‍ പങ്കെടുത്തു. അഞ്ചാം വാര്‍ഡിലെ വീടുകള്‍ സന്ദര്‍ശിച്ച് പ്രചരണപ്രവര്‍ത്തനവും ബോധവല്‍ക്കരണവും നടത്തി. തുടര്‍ന്നുള്ള ദിവസങ്ങളില്‍ മറ്റ് വാര്‍ഡുകളിലും പ്രചരണം നടത്തിയതിന് ശേഷം മാലിന്യം ശേഖരിക്കുന്നതിനാണ് ഉദ്ദേശിക്കുന്നത്

Thursday, February 28, 2019

പാസ്സിങ്ങ് ഔട്ട് പരേഡ്


               പൊയ്‌ക ഗവ ഹൈസ്‌കൂളിലെ സ്റ്റുഡന്റ് പോലീസ് സീനിയര്‍ ബാച്ചിന്റെ പാസ്സിങ്ങ് ഔട്ട് പരേഡ് ഫെബ്രുവരി 28ന് വൈകിട്ട് നാലരക്ക് കോതമംഗലം മാര്‍ ബേസില്‍ സ്‌കൂളില്‍ നടന്നു. ബഹു കോതമംഗലം എം എല്‍ എ ശ്രീ ആന്റണി ജോണ്‍ പരേഡ് സല്യൂട്ട് സ്വീകരിച്ചു. മികച്ച പരേഡ് നടത്തിയ കേഡറ്റുകള്‍ക്കുള്ള പുരസ്‌കാരം പൊയ്‌ക സ്കൂളിലെ വിദ്യാര്‍ഥികള്‍ക്ക് ലഭിച്ചു. സ്റ്റുഡന്റ് പോലീസ് ഉന്നതോദ്യോഗസ്ഥരും മാര്‍ ബേസില്‍ സ്കൂള്‍ മാനേജര്‍, രണ്ട് വിദ്യാലയങ്ങളിലെ പ്രധാനാധ്യാപകരും രക്ഷകര്‍ത്താക്കളും അധ്യാപകരും നിരവധി വിദ്യാര്‍ഥികളും ചടങ്ങില്‍ പങ്കെടുത്തു

Thursday, February 21, 2019

SPC നേച്ചര്‍ ക്യാമ്പ്


      പൊയ്‌ക ഗവ ഹൈസ്‌കൂളിലെ സ്റ്റുഡന്റ് പോലീസ് കേഡറ്റ് വിദ്യാര്‍ഥികളുടെ ഈ വര്‍ഷത്തെ നേച്ചര്‍ ക്യാമ്പ് മൂന്നാര്‍ ഇരവികുളത്ത് ഫെബ്രുവരി 20,21,22 തീയതികളില്‍ നടക്കുന്നു. ഒമ്പതാം ക്ലാസിലെ 43 കുട്ടികള്‍ പങ്കെടുക്കുന്ന ക്യാമ്പിന് എസ് പി സി എറണാകുളം റൂറല്‍ സെല്ലിനോടൊപ്പം സ്കൂളിലെ എസ് പി സി ചുമതലയുള്ള അധ്യാപകരായ ശ്രീ അജിത് സാര്‍, ജിജിമോള്‍ ടീച്ചര്‍ എന്നിവരോടൊപ്പം ശ്രീ ബിനുകുമാര്‍ സാര്‍, ശ്രീമതി സുഷമ ടീച്ചര്‍ എന്നിവരും പങ്കെടുക്കുന്നു. വിവിധ വിഷയങ്ങളിലെ ക്ലാസുകളും പ്രകൃതി പഠനവുമാണ് ക്യാമ്പിന്റെ ആകര്‍ഷണം

Sunday, February 17, 2019

SPC രക്ഷകര്‍തൃയോഗം

      ഈ വര്‍ഷത്തെ സ്റ്റുഡന്റ് പോലീസ് കേഡറ്റുകളുടെ നേച്ചര്‍ ക്യാമ്പ് ഫെബ്രുവരി 20,21,22 തീയതികളില്‍ ഇരവികുളം ദേശീയോദ്യാനത്തിലേക്ക് നടത്താന്‍ നിശ്ചയിച്ചിരിക്കുന്ന സാഹചര്യത്തില്‍ SPC രക്ഷകര്‍ത്താക്കളുടെ യോഗം ഫെബ്രുവരി 15ന് രാവിലെ സ്കൂളില്‍ നടന്നു. PTA പ്രസിഡന്റ് ശ്രീ കെ എം ഹസൈനാര്‍, പ്രധാനാധ്യാപകന്‍ ശ്രീ സുജിത്ത് എന്നിവരുടെ സാന്നിധ്യത്തില്‍ നടന്ന യോഗത്തില്‍ SPC ചുമതലയുള്ള അധ്യാപിക ശ്രീമതി ജിജിമോള്‍ ടീച്ചര്‍ ആവശ്യമായ നിര്‍ദ്ദേശങ്ങള്‍ നല്‍കി. ഈ വര്‍ഷത്തെ കുട്ടികളുടെ പാസ്സിങ്ങ് ഔട്ട് പരേഡ് കോതമംഗലം മാര്‍ ബേസില്‍ സ്കൂളിലാവും നടക്കുകയെന്നും യോഗത്തെ അറിയിച്ചു.